Kisa Pwogram Travay Planifikasyon Inifye a (Unified Planning Work Program, UPWP) ye?

Pwogram UPWP a pwograme bidjè pou aktivite chak ane Òganizasyon Planifikasyon Metwopolitèn (Metropolitan Planning Organization, MPO) Rejyon Boston nan:

• Ativite  Prensipal MPO a
• Nouvo etid
• Asistans teknik

Kisa UPWP a ede MPO a reyalize?

UPWP a sipòte plizyè aktivite:

• Kolekte done sou sistèm transpò rejyon Boston nan, nouvèl teknoloji, règlemantasyon, ak preferans itilizatè yo
• Identifye bezwen sistèm itilizatè transpò yo
• Devlope konsèp pwojè yo pou amelyore fèy de wout koridò, entèseksyon, pyeton, ak enstalasyon bisiklèt, ak sistèm transpò yo nan objektif pou kreye kominote ki an sekirite, aksesib, moun ka mache, monte bisiklèt epi ki solid
• Antisipe tandans ki fòme sektè transpò a pou ede MPO a konprann pi byen relasyon ant transpò ak lòt pwoblèm planifikasyon yo, tankou itilizasyon tè ak chanjman klimatik.

Nou toujou ap chèche ide ak opinyon. Pwopoze yon etid epi fè nou konnen pwoblèm oswa ide ou.

Kisa MPO a ye?

MPO yo, oswa òganizasyon planifikasyon metopolitèn, se antite planifikasyon rejyonal ki nesesè sou plan federal ki angaje reprezantan gouvènman, ofisyèl eli yo, ajans transpò, rezidan ak lòt pati ki konsène yo nan yon pwosesis piblik kolaboratif epi transparan pou

• [KREYE YON SENBÒL KAD] Devlope yon vizyon nan Plan Transpò Alontèm nan pou transpò milti modal nan rejyon an
• [INVEST ICON] Distribye finansman federal pou pwojè konstriksyon ki sipòte vizyon atravè Pwogram Amelyorasyon Transpò a
• [STUDY & ANALYZE ICON] Reyalize planifikasyon transpò miltimodal la nan yon nivo rejyonal atravè Pwogram Travay Planifikasyon Inifye a.

Vizyon MPO Rejyon Boston nan

MPO Rejyon Boston nan Anvizaje yon sistèm transpò modèn epi ki byen antretni ki kore dirabilite, sante, vivabilite ak yon rejyon ki dinamik sou plan ekonomik. Pou reyalize vizyon sa, sistèm transpò a dwe gen sikirite epi solid; enkli teknoloji k ap emèje yo; epi bay aksè ki jis, mobilite ki ekselan ak opsyon transpò ki varye.

Ki kèk etid resan UPWP a finanse?

• Manyèl priyorite siyal sikilasyon
• Etid koridò priyorite wout 16, Chelsea ak Everett, Massachusetts
• Manyèl pwogram pou eksplwate yon navèt kominotè ak siksè
• Baz done fich evalyasyon entèraktiv pou pyeton

Etid pase yo disponib nan Achiv piblikasyon nou.

Kijan MPO a ede ou ak èd teknik?

Ekip planifikatè transpò ak enjenyè nou an genyen ekspètiz nan divès sijè transpò epi yo ka ofri asistans teknik pou abòde divès enkyetid transpò, tankou operasyon transpò piblik, aksè bisiklèt ak pyeton, vivabilite, paking, planifikasyon sèvis transpò an komen, ak plas arè pou bis.

• Asistans Teknik pou Transpò Kominotè Anplwaye yo ka bay rekòmandasyon a minisipalite yo soti nan apèzman sikilasyon ak rekonsepsyon entèseksyon rive nan sikilasyon pyeton ak akomodasyon bisiklèt. Pou plis enfòmasyon, tanpri kontakte Mark Abbott nan 857-702-3641 oswa mabbott@ctps.org.
• Asistans Teknik pou Planifikasyon Sèvis Transpò Rejyonal : Otorite transpò rejyonal yo, asosyasyon jesyon transpò yo, Konsèy Planifikasyon Zòn Metwopolitèn sou rejyon yo, ak minisipalite yo, ka resevwa rekòmandasyon pou amelyore, konduit, optimizasyon wout, ak sèvis pou rann sikilasyon an pi efikas. Pou plis enfòmasyon, tanpri kontakte Paul Christner nan 857-702-3707 oswa pchristner@ctps.or.

Etid sou gran echèl oswa nan enterè rejyonal yo ka konsidere kòm etid diskrè nan UPWP.

Kijan UPWP a devlope?

Komite UPWP a, ki se yon sou-komite konsèy MPO a, sipèvize pwosesis devlopman an, chwazi etid yo, epi envite piblik la soumèt kòmantè anvan plan an finalize. Devlopman UPWP a fèt chak ane:

• Septanm a janvye: MPO a kolekte ide sou etid ki posib manm minisipalite, defansè ak piblik la.
• Janvye a mas: Komite UPWP a chwazi etid yo baze sou faktè tankou enpòtans rejyonal, lyen ak lòt rechèch MPO a sipòte, vyabilite, anrasinman nan valè MPO yo, ak disponiblite fon an.
• Avril: Anplwaye MPO ak Komite UPWP antre kòmantè manm MPO, minisipalite yo, Konsèy Konsiltatif Transpò Reojyonal la, ak piblik la, epi dakò sou yon lis final etid diskrè yo pou finansman federal.
• Me a jwen: MPO a resevwa kòmantè piblik sou dokiman bouyon ki genyen etid diskrè yo ak lòt priyorite bidjè MPO yo.
• Jwen a jiyè: Konsèy MPO a apwouve dokiman an.
• Fen sezon ete: MPO a resevwa apwobasyon UPWP patnè federal yo.
• Oktòb: Anplwaye MPO yo fè etid ki pwograme nan UPWP a.

Kijan mwen ka enplike?

• Bay kòmantè sou lis etid ki pwopoze yo: Fè nou konnen opinyon ou pandan plan devlopman ak peryòd kòmantè piblik yo.
• Soumèt yon kòmantè: Pibliye yon kòmantè nan fòm kòmantè a sou sitwèb MPO a.
• Patisipe nan yon rankont MPO oswa UPWP: Obsèove MPO a an aksyon epi eksprime pwendvi ou nan rankont konsèy ak komite MPO yo. Jwenn avi rankont yo sou Kalandriye rankont MPO.
• Rete enfòme: Enskri nan lis imel MPO a epi swiv nou sou Twitter, Instagram, Facebook, YouTube, ak Linkedin nan @BostonRegionMPO.
• Pale ak anplwaye yo: Anplwaye MPO yo patisipe regilyèman nan evènman sansibilizasyon yo. Verifye kalandriye rankont MPO a pou jwenn yon aktivite ki bon pou ou.
• Envite nou: Kontakte Kate White, Kowòdinatè Sansibilizasyon Piblik, nan kwhite@ctps.org oswa 857-702-3658, si ou ta renmen pou anplwaye MPO yo vizite oswa patisipe nan rankont ou pou diskite sou pwoblèm transpò ki enpòtan pou ou.
• Rejwenn Konsèy Konsiltatif nou an: Konsèy Konsiltatif Transpò Rejyonal la (Regional Transportation Advisory Council), yon manm ki ka vote nan MPO a, se yon kò endepandan ki pote pwendvi piblik ak konsèy sou politik ak planifikasyon transpò bay MPO a. Kontakte Matt Archer, Planifikatè Transpò, nan marcher@ctps.org oswa 857-702-3708, pou aprann plis sou fason pou vin yon manm.

Srilekha Murthy

Manadjè Pwogram Travay Planifikasyon Inifye

smurthy@ctps.org

857-702-3705

Byenveni. 

Nou envite ou patisipe nan pwosesis planifikasyon transpò nou an, kèlkeswa ras, koulè, orijin nasyonal (ki enkli moun
ki gen nivo metriz anglè ki limite) relijyon, kredo, sèks, zansèt, gwoup etnik, enfimite, laj, sèks, oryantasyon seksyèl,
idantite sèks oswa ekpresyon, estati ansyen militan oswa antesedan. Li avi dwa ak pwoteksyon konplè nou yo sou
www. bostonmpo.org/mpo_non_discrimination.

Pou mande akomodasyon espesyal, oswa si ou bezen enfòmasyon sa yo nan yon lòt lang, kontakte  MPO nan
857.702.3700 (voice), 617.570.9193 (TTY) oswa civilrights@ctps.org (tanpri akòde 14 jou).

Español (Spanish)

Si necesita esta información en otro idioma, por favor contacte la Boston Region MPO al 857.702.3700.

简体中文 (Simplified Chinese)

如果需要使用其它语言了解信息，请联系波士顿大都会规划组织 (Boston Region MPO) 《民权法案》第六章专员，电话 857.702.3700.

繁體中文 (Traditional Chinese)

如果需要使用其他語言瞭解資訊，請聯繫波士顿大都會規劃組織（Boston Region MPO）《民權法案》第六章專員，電話 857.702.3700.

Kreyòl Ayisyen (Haitian Creole)

Si yon moun vle genyen enfòmasyon sa yo nan yon lòt lang, tanpri kontakte Espesyalis Boston Region MPO Title VI la nan nimewo 857.702.3700.

Português (Portuguese)